فرضی عین

 *فرض عین*

اللہ تعالٰی نے حضرت آقا مدنیﷺ کی امت کو ہر نعمت دوسری امتوں سے افضل عطاء فرمائی ہے۔۔۔۔۔۔

سب سے افضل نبی، سب سے افضل کتاب، سب سے افضل شریعت، سب سے افضل زمانہ اور سب سے افضل اعمال۔۔۔۔۔۔

حضرت آقا مدنیﷺ کو اپنی امت سے بے انتہاء محبت ہے۔۔۔۔۔۔

آپﷺ نے اپنی امت کے لئے۔۔۔۔۔۔ وہ سب کچھ کیا جو کوئی اور کسی کے لئے نہیں کرسکتا۔۔۔۔۔۔

حتی کہ آپﷺ نے امت کی خوشی کو اپنی خوشی اور امت کے غم کو اپنا غم بنایا۔۔۔۔۔۔

یہاں تک کہ قیامت کے سخت دن بھی۔۔۔۔۔۔ آپﷺ *"امتی امتی"* فرما رہے ہوں گے۔۔۔۔۔۔

اللہ تعالٰی کے محبوب نبیﷺ *"امتی امتی"* کہتے نہیں تھکتے تو ہم۔۔۔۔۔۔ *"أللهم صل على سيدنا محمد"* کہتے ہوئے کیوں ڈھیلے پڑ جاتے ہیں؟۔۔۔۔۔۔

دراصل ہم نے *"صلوة وسلام"* کے مقام کو سمجھا ہی نہیں۔۔۔۔۔۔ حتی کہ ہم میں سے کئی لوگ تو اسے عبادت بھی نہیں سمجھتے۔۔۔۔۔۔ بس ثواب کے لئے ایک نفل عمل سمجھ لیتے ہیں۔۔۔۔۔۔

حالانکہ یہ افضل ترین عبادات اور اعلی ترین طاعات میں سے ہے۔۔۔۔۔۔ اور یہ اللہ تعالٰی کے قرب کو پانے کا بہترین ذریعہ ہے۔۔۔۔۔۔

علامہ آلوسی رحمتہ اللہ علیہ نے اس پر اجماع لکھا ہے کہ۔۔۔۔۔۔ *صلوة وسلام على النبي۔۔۔۔۔۔*

یعنی حضور اقدسﷺ پر صلوة وسلام بھیجنا۔۔۔۔۔۔ ہر مسلمان پر *"فرض عین"* ہے۔۔۔۔۔۔

اور قرآن مجید میں جو حکم فرمایا گیا ہے کہ۔۔۔۔۔۔ ان پر درود اور سلام بھیجو۔۔۔۔۔۔ یہ وجوبی حکم ہے۔۔۔۔۔۔ اور ہر مسلمان کے لئے زندگی میں کم از کم ایک بار۔۔۔۔۔۔ اس حکم پر عمل کرنا فرض ہے۔۔۔۔۔۔

*زادشفاعت؛ صفحہ نمبر: 11*